當初買呢層 "好窄" ge 其中一個目的就係希望有個私家泳池比瑤瑤玩, 但入伙之後, 個泳池就一直得個 "睇", 踏入夏天重係唔肯開, 開頭話 6月初, 跟著話要外牆維修, 要6月中, 跟著又話 H1N1.....

等到頸長, 終於 71 前開張, 琴日趁假期同瑤瑤去玩, 可惜... 佢一味發呆, 完全唔敢玩, 我老婆就隌佢發呆, 我就半陪半游, 但都唔係玩好耐...

希望遲d表哥表姐返晒香港之後, 有多d人 "隌", 佢會肯去玩 la.... 

簡直係百聽不厭!!!

距離上個 blog, 已經係 3 個月, 呢幾個真係忙到想揾d時間寫 blog 都無, 有好多瑤瑤 ge 事想寫: 佢開始識跳 (重要不停咁跳), 開始唱歌, 買左架三輪車....

今朝佢重第一次 "望" 到隻蟑螂.... (證實左老虎仔係唔識捉 "蟲".... 

老婆一直都好想阿女見多d '真' 動物, 所以今次復活節, 想過去濕地公園, 但最後去左過 靚姨媽成日去 ge 嘉道理農場, 佢話個度有隻全香港最大 ge 豬, 另外重有好多動植物.

個日天氣太好, 陽光超勁, 好在亦有好多風, 十分涼爽, 加上假日, 都有幾多人去, 但亦有好多B, 成個 B 場, 阿女一見到隻大肥豬, 就講... No Ar, 我要返屋企... =.=''''

佢一直堅拒望隻肥豬, 情形有d似去迪士尼見到隻米奇老鼠, 跟著重有隻大野豬, 佢又....

點都好, 個日佢同d 表哥表姐就玩得好開心, 我地就覺得好疲累, 放假... 慘過返工呀!!!! 

因為表姐 ge 生日要係迪士尼 ge hotel 攪, 所以邀請左我地一齊去迪士尼玩兩日, 我就覺得係時候比下阿女見識下, 加埋尾尾姨 and 加文哥哥陪玩, 阿女應該會好 Happy. 但天氣突然轉差, 氣温又話急降, 又多雲, 大家都預備左好多衫, 點知... 晒到想死, 我塊面重晒紅左.....

阿女一入酒店, 見到d公主重可以影下相, 但一去到 restaurant,  見到隻高非狗... 面色即變, 死都唔肯入去, 重要以喊相逼... 今晚食 buffet 時點算???

入到迪士尼, 都無玩過就食飯, 食完飯又要返酒店目訓, 目訓完再玩, 但都已經好夜, 淨係去左 小小世界, 但佢一入迪士尼就啟動發呆模式, 都唔知你班人係到玩 mud??? 最後睇完煙花, 返酒店食飯就真係出左事, 佢死都唔肯入去, 重話要 '自己走'... 最後半推半就先肯入座, 但死都唔肯同d 米奇, 米妮影相.

第二日目訓到好晏 (8:30 AM, 叫做晏 ga la) 至起身, 梳洗完後, 佢自己去玩厠所門, 點知出事, 佢反鎖左度門, 我地又揾唔到有鎖去開門, call urgent service, 但遲遲無人應, 等到人黎佢竟然開唔到, 最後成個鎖拆左, 阿女至開斯斯然行出黎...  全程佢都無喊, 重同我地傾晒計 =.=''''

下午再去迪士尼玩 (disney hotel ge 優惠, 2 days pass), 玩飛碟時阿女死都要攬住阿媽, 但當佢開始覺得好玩時, 個 UFO 就停了, 之後去玩小飛象, 佢都好心, 但又係好快完, 之後玩 Winne the Pooh 同睇 4D movie, 但佢好無咁 happy. 之後就係迪士尼目訓左個靚覺, 最後坐埋火車之後就歸家...  

前日係 play group, 見到個同瑤瑤差唔多大的小妹妹, 玩到好開心時係度扎扎 "跳"! 跳 == 雙腳離地, 但阿女到而家重係扮跳, 但雙腳貼地... 

佢到而家走呀, 跑呀重係無 mud 平衡感, 前幾日先至跌到個口損晒, 重係要流血個隻.... 佢雙腳離地之日, 可能就係我擔心到死之時 :p 

上星期抱住患得患失 ge 心情同瑤瑤去 Victoria Interview, 事前我地已經特登去過 Victoria ge Openday 作 site visit, 佢個日都玩得幾開心, 所以去到 Victoria, 阿女都無 mud 不安, 重玩得好開心, 但一到面試時間, 阿女重要踩三輪車... 唯有硬抱, 佢即刻喊比你睇... 好彩入去 Interview 間房佢又收左聲.... 呼 ~~~

Victoria 唔似上次間 cheap 野, 佢係要阿媽陪女玩, d miss 係從道旁觀察, 有時會走埋黎同個細路玩下, 又會玩集體遊戲, 點都好過問你 'Where is your eyes?'!

瑤瑤全程表現很好, 我地真放下心頭大石, 而家就等消息, 但無論結果係點, 今次 Interview 都係一個大成功! ^^V 

阿女去了沙白五天, 最大的好處是用 potty 去 boo boo, 但未夠膽去 V V, 返香港後, 老婆決定工人返黎前, 幫瑤瑤除尿片!! 

但第一日就遇到重大挫折, 阿女兩小時內賴左六次 V V ... 老婆欲哭無淚, 佢埋怨我地開始得太遲, 但我覺得太早開始一樣死, 都唔知點溝通, 但而家佢會明白我地 ge 要求同唔開心, 同埋我覺得小朋友 Potty 始終要耐性.

阿女第二日情況好好多, 一早就突然話去 V V, 跟著就立即放佢上去 potty, 佢真係 V 到!! 但跟著兩次就無講, 賴左... 但到夜晚, 佢又講番 V V, 跟著重整個大 Boo Boo.. 係 potty 度!!

第三日就大成功!!! 佢每次 V V 都提我地陪佢去 potty! 老婆開心到喊, 佢話想起第一日 兩小時內賴左六次, 簡直係天堂 and 地獄之分!

但因為我地好驚佢賴, 所以不停問佢 V V? V V? 阿女就好攪笑地大叫 'no, no, NO AR!!!' :P