有時候真係覺得黄大仙區係非法泊車天堂, 因為d 差佬 係唔會理, 我試過叫停一個差佬, 問佢點解唔抄d 停係街邊 ge 車, 佢第一句就話都唔係禁區 or 雙黄線, 我即刻問佢係唔係 '只要唔係禁區 or 雙黄線, 就可以泊車??' 佢臉色一變, 話 '我無咁講過!' 

 

但係雙黄線又點.... 條路已經唔係好闊, 重要兩邊都停架車, 重要係兩邊都係停車場出入口, 攪到有車出入都要好小心! 

 

但呢兩架車只係部份車身 '點住' 雙黄線, 咁算唔算犯法??? (d差佬可能又話呢d係合法泊車!!! )

 

瑤瑤兩歲, 即係個賓賓做左兩年, 所以佢今年會放 14 日大假返老家... 14 日!!! >_<''

由年初三開始, 我同老婆開始湊女生涯, 我老婆大鑊好多, 要晚晚陪 目訓, 但瑤瑤晚晚做魔鬼怪嬰, 半夜四點起身對住老婆笑 and 講野....

由今日開始, 老婆重要同佢單打獨鬥 (因為我要返工...), 希望老婆唔會捱壞啦... :( 

瑤瑤終於兩歲, 老婆話好似好快, 咁就兩歲, 但我就覺得好慢, 而家至兩歲, 幾時至捱到佢 20 歲.....

今年瑤瑤 ge 生日係踩正年初一, 真係雙喜臨門, 唔知d 利是會唔會 double 呢??

兩歲瑤瑤有以下特性:

1. 唔肯換片!!!! >_<'''

2. 開始講好多野, 重會有d交流!! :) 

3. 好鐘意 '柳'計 >_<'''

4. 仍然係見人就喊, 無論同佢有幾熟 >_<''' 

5. 唔知點解佢好鐘意食 '甘大滋'.... 

 

經過兩個多月的 '好窄' 生活, 瑤瑤好似回復正常 ge 生活節奏, 起碼朝早起身唔會狂喊搵媽媽, 夜晚肯準時睡覺, 我地兩個都叫做有覺好 目訓. 可惜佢d見生保人就喊 ge 惡習始終唔改, 真係唔知點去 interview...

今年 department 又攪考察團, 今次係去深圳, 我都幾鐘意呢d考察團, 可以了解下偉大祖國, 又有得玩下嘆下, 可惜今次就真係...

第一日去左深圳圖書館,  全館的圖書都貼上 RFID, 借書唔駛人手掃 barcode, 只要擺上張檯就掂, 另外每個書架都有 RFID reader, 放書上架就用一個 RFID 車, 只要一接近個書架, 就會發出訊號叫人放上架, 好似好勁, 但D $$ 就好貴, 唔似 Wifi, RFID ge 硬件全都係 tailor made, 根本就係用錢砌出黎 ge 高科技...

 

跟著就去左一個 '低科技' 貨倉, 用 '手寫' 紙記住d 貨 ge 位置, 真係超..., 中午去左個 '海鮮街' 食飯, 開頭以為好正, 點知.... 好難食呀!!!!

 

食完超難食午飯後, 去左 '華僑城', 開頭以為係d  trading centre, 但原來係超大 theme park, 可惜無 mud 野玩, 得過睇字, 但聽聞今年 5月第二期完工後, 會有好多野玩. 晚上大家都好驚唔知食 mud, 但最終有d好野食.

第二日預備去一間電子廠參觀, 點知... 因為金融海嘯... 工廠減產... 星期六唔開..... 

捱左五日, 晚晚半夜零晨起身餵葯, 真係好攞命.... 琴晚瑤瑤個體溫仍是 38.5 以上, 只是低過 39, 算做唔錯, 但同d朋友講起, 佢 suggest 我用暖水沖身好過食葯, 西葯只係 '硬禁' 體溫, 對身體無益, 我琴日就試下 39 以下唔比葯, 結果... 晚上佢目訓左之後, 體溫降到 37.5 ^^

唉~~ 希望阿女身體永遠健康 la... 

星期五晚返屋企時, 發覺阿女呼吸聲好大, 有少少呆, 但行得食得, 但唔放心下幫佢度體溫.... 40度... >_<'''

立即去睇醫生, 但個醫生話只會等到 7:10 PM, 立即飛的士, 但...塞車... 把心一橫, 轉去仁安醫院睇急症! 因阿女發高燒, 仁安建議阿女留院觀察, 因為只可以留一個家長, 同埋一定要留媽媽 （除非私家房, 但好貴...

入院前, 再睇多次個留院醫生, 佢話阿女可能係玫瑰疹, 係會不停高燒... 天! mud 黎 ga, 真係未聽過....

個晚我攪到 12:00 AM 先返到黄大仙, 重要係未食晚飯, 結果去食左個超難食 ge 晚餐... 唉~~ 算 la, 食 mud 都難食 ga la...

星期六大清早飛車入仁安, 老婆話阿女半夜自己起身, 全身發冷, 護士話係發燒前現像, 幫佢食左葯, 但全晚都睡得很差 (我老婆都係), 唉~~ 成間醫院都係BB ge 慘叫聲, 目訓 到至奇...

下午決定同阿女抽血檢查, 但結果係有病毒感染, 但係 mud virus 就唔知... 醫生話可以返屋企, 但留院會有更好照顧... 照顧??? 唉~~ 我唔覺得呢一日d護士有 mud 好照顧 lor, 又無覺好 目訓, d醫葯費就好溶.... 緊係早走早著!

阿女即晚就高燒 40! 同老婆餵佢葯 and then 沖個暖水涼 (2:30 AM 去沖涼...), 朝早仍然高溫, 但係我同老婆 ge 努力下, 總算 keep 係 37 度, 希望今晚會好d la (阿女中午 目訓 左兩粒半鐘, 算十分好 ga la

P.S. 玫瑰疹原來係小朋友常見疾病, 多數三歲以下 ge 小朋友會有機會患上, 患者會不停發燒三至四日, 最後會身會出一些似玫瑰花的疹, 但不痕不癢, 無併發症, 傳染性底, 但不停發燒就好要命!

P.S.2 阿女睇急症時, 我飛的返屋企攞奶, 結果阿女全程大喊叫爸爸... 

P.S.3 醫院開頭搵個後生又幾靚 ge 護士姐姐幫阿女抽血... 但佢不單至搵唔到血管, 重不停咁用枝針 'liu' 阿女隻手, 唔喊死就怪, 佢重要賴地硬, 話我地無餵阿女飲多d水, XY%$$, 佢成日不停飲奶飲 juice, 後黎 send 左過老d and 樣... 佢一抽就掂!  

 

聖誕 and then 新年, 這幾天幾乎每日也會和瑤瑤去街街, 但每次出街前, 我和老婆都會很擔心阿女肯唔肯換衫, 每次都要和她鬥爭一輪, 攪到而家阿女和老婆的關係越來越差, 有時候連我也會被老婆怒視, 因為阿女開始搵我做防護罩....

除左換衫問題外, 瑤瑤還有很多問題, 例如鐘意指人做野, 早期成日叫爸爸 go... 而家就成日叫媽媽 go... 叫我 go 我會 '好乖' 地立即 go, 但老婆當然係... 同妳死過...

對住呢兩位女仕, 真係..... 溏心風暴第三輯... 家嘈屋閉呀!!!!!