上兩星期同老婆去 荃新天地 睇傢俬, 佢見到有間日本好出名 ge Pasta de Waraku, 因為老婆都幾鐘意食意粉, 所以揀左佢食晚飯, 我食完後覺得自己好似無食過野, 結果要去另一間拉麵店再食...

上星期六係 荷里活廣場 見到佢係度間新分店, 我老婆又話要試, 今次我揀左個 set lunch, 一意粉 + 一 Pizza + 一湯, 我估點到唔會餓掛, 點知... 意粉照舊細, Pizza ge 厚度似一塊薯片, 碗湯...少到用 spoon 係 '畢' 唔到...

希望老婆下次唔會再要我去捱餓...

有日老婆忽發奇想... 阿女咁鐘意執野, 不如去百佳比佢執飽佢!

果然, 阿女一入去百佳, 就十分開心, 開始不停搵野去執,足足玩左大半粒鐘, 最驚險係佢見到一枝枝紅酒....=.='''

星期六朝早, 颱風 '鸚鵡' 離開香港, 係大風大雨下, 我們一家, 拖住三大袋, 踏上回歸祖國第一擊.... 番禺長隆渡假區.... (工人好 happy....

過關時, 發起今次走難團 ge 尾尾姨, 回鄉卡竟然過期一日 (人生總有一次)!! 唯有抛下我們三個家庭 (5 個細路...), 但我總覺得她是甩難... XDDDDD

前後用了三個多小時, 下午 1:00 PM 才去到酒店, 今次係阿女第一次離開香港外遊, 但佢和平時去 Play Group 一樣.... 發呆:

下午去到長隆水上樂園, 園方要我們買票前, 簽一封 '生死狀'... 涷死 ge 話各安天命, 唔闗我事... 各大家長當然唔肯去, 大表哥就好唔開心, 要好多人心理輔導.

唔去 水上樂園, 重有個機動世界, 有天下最高 ge 過山車... 當然又要由我呢個有畏高症 ge 姨丈陪大表哥,重要坐最前, OMG!!!!

阿女就繼續發呆地玩:

晚上去了號稱全亞州最大的 buffet '四海一家', 話裡面超多野食, 多就係好多, 不過全都係 '涷' ge, D 食物又好唔新鮮, 有d重好難食, 招呼又唔好....

當晚回到酒店後, 因為全日要攞住阿女d '隨身行李', 真的很想立即休息, 但重要氹阿女睡覺...

阿女要和我們一起睡, 佢好似因為張床唔同左, 定係因為我們陪她睡, 所以十分開心, 不停地笑... =.=''' 攪了很久才睡, 她睡著後, 我便以 9 秒 9 睡著了....

第二朝見到太陽, 所以決定再去水上樂園, 初時以為唔會有好多人, 但出奇地超多人, 但對阿女來講, 人多人少無 mud problem, 佢全程都係玩個水樽:

下午去睇野生動物, 白老虎, 長頸鹿, 獅子, 豹, 阿女第一次見這些真實的動物, 但仍是發呆...

因時間緊密, 晚上回家已是 9 時多, 肚子餓得發慌, 求其吃了些粉之後, 還要湊阿女去睡, 當晚一上床, 又是 9 秒 9 睡著, 一直都天光, 全昏睡狀態.

很久之前, 已發覺星期日已經不是放假天, 由朝早去公園, 到下午去何文田, 幸好中午由一小段時間可以午睡 (如果阿女肯瞓的話...)

前幾個星期日發覺阿女好鐘意 shopping, 係公園附近個 mall 行到唔肯走,  昨日更加自己係公園搵路去 shopping mall....

下午去何文田體育館, 去之前同阿女係茶餐廳食個 Tea, 佢而家已經可以坐定定係度等食...

 何文田體育館發現左一個室內兒童遊樂場, D設施同 AMC (深灣遊艇會) 有得 fight....

2006 年 Apple 公佈 iPhone, 就一直很期待它的發售, 很可惜, 到真正發售日, 看著它的 Spec, 真的有些失望, 所以放棄 iPhone, 買了 N95, 但 N95 根本不能滿足我的要求, Screen 太細, 好用好玩的軟件太少, 又不能手寫中文, 打英文也很難, 終於一年後....

雖然 iPhone 3G 有很多人 complain, 但用了 MacBook Pro 1 年, 對 Apple 的 product 很有信心, 加上工作上需要寫 iPhone 的 App, 所以一直希望 IVE 續約後買 iPhone 3G, 但真的很難忍到 9月1日, 所以....

阿女行路的穩定性有很大問題, 為左要她腳踏實地, 不要好像個大冬瓜, 所以決定將家中的防禦系統拆除, 雖然有d擔心佢會受傷, 但都要狠心些.

頭幾日, 她都跌得幾頻密, 但起碼她知道怎去 '跌', 希望遲些可以見到她在公園可以自己走來走去, 不需要我們拖住...

要開始 plan 下同阿女訓練去厠所, 第一件事要佢自己除尿褲, 除尿褲就要學坐係凳仔上, 老婆一直搵緊一張有 '扶手' 的凳仔, 但一直都搵唔到, 真係唔明d凳仔係唔係只係比d一開始就識坐 ge 小朋友....

最後我地終係打風個日係荷里活廣場搵到張 '膠凳' (老婆想要 '木凳'...), 昨日走去買, 但發覺佢有一個古怪功能, 一坐底就會 '響'....

番到屋企, 阿女一見就好開心要坐, 看來她很喜歡坐底時 '響' 聲, 但發覺她坐得很困難, 她現在要靠 '扶手' 去掌握距離及空間感 (老婆有先見之明 ^^V) , 睇黎如厠訓練的第一步也不易...

昨日8號風球, 預備係家中做一日湊女工, 老婆突然比左個 suggestion.... 去荷里活廣場睇戲! O! 太好了, 終於可以去睇戲了!!!!

老婆唔肯睇 Batman, 唯有揀 WALL-E, 其實好多人話 WALL-E 好正, 但亦都有d sad, 並唔係 '笑聲震太空', 睇完後都好滿足, 因為真係好正, 迪斯尼繼 'The Incredibles' 後又一超正動畫, 但故事內容真係有d sad...

其實老婆都唔想睇, 因為係廣東話配音, 但呢套戲真係無 mud 對白, 所以無得揀之下去了, 但我亦忘記了 廣東話配音 的大毛病.... 好多小朋友去睇, 佢地會一路睇一路問.... 有個細路不停問 'WALL-E 個女朋友呢? 點解佢地唔講野...',算啦, 自己個女將來都會係咁....

睇完返屋企, 阿女剛好午睡, 以為可以蛇下, 點知佢瞓左半粒鐘就醒... >_<''''