星期六日早上, 會堅持和阿女去公園玩, 但踏入夏天, 一係落雨, 一係曬到你 @@''''

上星期日係公園玩玩下, 老婆突然間話 '唔見晒d小朋友....', 嘩! 真係人都唔多個....

下午去了另一個公園, 環境唔錯, 又一個平民豪宅區 -- 何文田:

 

渣車到現在, 還未去過香港, 一聽到d人講紅隧三線變一線就覺得頭痛, 加上銅鑼灣, 灣仔基本上係新牌仔禁地, 所以一直望海輕嘆...

昨日阿女病好, 預備叫的士過海去貝沙灣同婆婆慶祝生日, 但而家d的士好難搵, 我想自己渣, 但老婆又擔心落雨我渣唔掂, 我只好說遲早一日要過海, 唔通日日等人幫, 點都要試一次. 其實我呢幾日不停睇紅隧和香港仔d路, 一心想闖一闖紅隧, 只係老婆擔心我 (and 阿女), 但人始終係要經驗, 經驗就是要靠實戰, so... 我要去數碼港!!!

一開車就發覺有個車軚漏氣, 原來比粒鑼絲釘拮穿左 @_@, 唔通連個天都唔想我過海?? 但幸好樓下就有車房, 個師傅攪左 15 分鐘就掂! 沿途一滴雨都無 (原來係新界北落勁雨), 結果當然係平安無事到步,至於紅隧的三線變一線,只要小心d及忍下d人不停打尖, 基本上好易 je! ^^V (老婆: =.='''')

 下一個目標: 海洋公園!!!!

曾經有育兒專家 (邱振明) 話西醫的疫苗, 是以毒攻毒, 所以有很多副作用, 所以他堅決不讓他8個月大的女兒去打防疫針....

今天女兒發燒了, 感覺上真是無病整到病, 最高時 39.7C, 她不停地哭叫 '媽媽度..', 這個新名詞使我苦惱了一會, 幸好用溫水抺身後, 情況好轉好多了, 下午還可以去婆婆的生日宴. 

今日渣車送阿女去仁安打針, 有一種送至愛的人去受死的感覺, 很辛苦地等到姑娘叫名, 個姑娘好認真地說: '卜生卜太, 你地個女都歲半, 會識得反抗, 所以你地要幫手捉實佢....' 我老婆知我唔舍得, 好認真咁同我講: '爸爸, 記住係捉實!'... 唉~~~

到姑娘落手個下, 我個心都離埋, 但阿女竟然無反應, 兩秒後才開始叫 '媽媽...' 及露出很痛的表情, 當她覺得有人要打第二枝時, 才開始喊! 但兩滴眼淚之後, 便靜了下來! 嘩!完全比我想像中順利, 個姑娘就不停讚她!

今次係阿女最後一次係仁安打針, 下一次會係佢讀小學才打, 希望到時她和今日一樣... 勁!!!! ^^V 

阿女而家玩時, 開始拒絕接受我們的幫助, 她會推開我的手, 發出一些不滿聲, 但有時真令人擔心, 例如她要搬一張到她心口的櫈仔....

她亦開始自己食奶, 老婆捱左年半, 終於可以餵奶時, 做下其他野, e.g. 玩貓 XDDDDD

阿女就快歲半, 本應好開心, 但一想起半年一次的約會... 打針!!! 我真好唔開心, 阿女而家係進入有意識期, 即係識得反抗, 我真係想像唔到打完第一支針的後果, 最慘係要打兩支, 救命....

老婆好淡定咁講, 係細佬都要打針, 有 mud 好擔心...

阿女現時可以發出的單字音:

爸爸, 媽媽, 姐姐 (有d高音), 奶奶, 貓貓, 腳腳, 蓋蓋

最扺死係佢想我抱起佢時, 佢會伸開雙手, 好溫柔咁叫 '爸爸', 重要笑笑口個隻....

呢幾日d天氣真係好飄忽, 琴日晚上突然行雷閃電, 嘈到拆天, 好擔心阿女會嚇醒, 但今朝工人話佢三點幾起過身, 但三點幾應該無晒雨 (我兩點幾起過身), 阿女重飄忽過d天氣 =.='''