星期六朝早老婆突然話瑤瑤好熱, 度一度, 100.7......  @@"

午睡後, 升到102, 食完藥, 降到 98.7 , 但西藥係唔會醫好你, 到 2:30am, 工人叫醒我, 話瑤瑤不停震, 升到 104.....

今晚又無得目訓.... 

星期日一早都同佢去仁安睇, 醫生話個肺無事, 應該係感冒, 但點解野野都係要發燒, 今次重要係高燒 :'(

老婆話農曆新年後, 瑤瑤係不停病, 今次醫生比左抗生素, 睇黎都要試試佢! @@''' 

而家睇親醫生, 就比 n 咁多種藥, 睇D都煩, 何妨叫個三歲小朋友要一日食三次, 每次要食 n 種 =.=''''

次次同瑤瑤D表姐食飯, 就一定要 off 左個電視, 否則, D表姐一定會停晒手咁望住個 TV...

曾經聽過有D人湊細路 ge 方法就係開個電視比佢睇, 咁就可以好舒服咁做自己野......

復活節前, 學校比左隻衛生署教小朋友擦牙 ge 動畫DVD, 而家瑤瑤一到夜晚就要睇, 重睇到好入神...... 我同老婆就乘機眠一眠 :P 

有朝一日, 比佢睇套 Pixar ge 動畫, 咁就可以.... (魔鬼誘惑中.... 

因為尾尾姨要嫁, 重要去關島嫁... 所以全家係 "受難節" 去關島受難遊... 

由香港去關島要坐五小時飛機, 重要係通宵機, D飛機係D細機, 好窄, 我重要比D位比瑤瑤目訓, 結果係我通頂無得目訓, 最慘係我同老婆岩岩D咳好返, 一晚通頂後.... 結果係成個旅程同瑤瑤咳咳三重奏... 無錯, 因為D食物問題, 最後瑤瑤都咳埋....

到左夜晚, 以為可以目訓返覺, sorry, 瑤瑤目訓覺係成晚 "打功夫", 尤其佢唔舒服, 結果兩晚都係比佢不停咁踢醒....  

到最後一日, 話左要早D起身去游水, 因為關島D海灘真係好靚, 唔游就有D浪費, 但因為太眼目訓, 結果要當地時間, arround 11:00 AM 至去游, 結果係我曬 火農 左... 

三日時間, 一日比左個世紀婚禮, 到最後關島 mud 野都無玩過下, 就走難式地逃回香港, 琴晚, 終於有覺好目訓.... 

以下係我對今次受難遊 ge summarize:

1. 瑤瑤好乖, 去過五小時目訓足全程, 回程就好靜咁坐足....

2. 關島海灘好靚, 但我就唔會用五小時通頂去玩, 通頂? 我情願去馬而代夫 (所以成個關島都係日本仔, 近呀嗎...

3. 間酒店D食物係我去咁多次旅行 "最差" ge 一次, 重食到瑤瑤咳返!

4. 關島最大優點係曬得黎好多風, 所以好舒服.

5. 個導遊介紹左好多關島好玩 ge 地方, 可惜完全無時間, 就算有時間, 全部唔岩一個三歲小朋友玩. 

捱左成個星期, 瑤瑤星期三開始退燒, 但仍然有D咳, 老婆又唔係好想食咁多西葯, 我突然醒起小兒咳嗽必備中葯 "猴棗散"! 佢係勁化痰, 最正係無味, 可以加係D飲品度 (但要最好效果, 係要用水...), 所以星期四即刻去買, 但余仁生話斷貨, 我真係呆左, 立即走去位元堂睇, 佢話最後一盒... 多謝 HK$1,580! =.='''

返屋企比瑤瑤食左, 星期五已經大為好轉, 今日已經無晒咳, 太好了.

另外, 我D咳又係未清, 我又醒起上次係余仁生買 ge 止咳散, 立即又試下, 效果好正, 琴晚即刻有覺好目訓, 老婆見我好似 "真" 係好返, 勉強下試試, 琴晚立刻無晒D咳, 今日重走去食 "薯片"... =.=''' 

病... 飲多D水, 休息下... 呢D醫生 or friends 多數會講 ge 平常話, 對於一個有三歲小朋友 ge 爸爸黎講, 係唔 work ge, 因為你要不停咁陪佢... :'(

最大鑊係瑤瑤都病埋, 我連續幾晚都要半夜起身喂葯, 休息? 一朝早瑤瑤就會飄過黎要我起身陪佢, 今朝真係好疲累, 我叫佢揾姐姐玩一陣, 佢死都唔肯, 我同佢 "解釋" 爸爸病左, 要 "休息" 多一陣, 佢話之你就黎病死, 係床邊猛叫我起身....

唯一可以真係休息下 ge 時間就係佢 "休息" ge 時間, 即係佢午睡, 但琴日同前日... 佢目訓左 一粒鐘唔夠就醒左, OMG.....

我真係有D後悔唔聽醫生講, 打定枝預防流感針.... :'( 

星期二開始覺得自己有D唔妥, 都 拍 定D藥, 但星期三比個學生激完後, 情況好似越來越差, 星期三晚直頭喉嚨痛到目訓唔到, 最後起身試下 panadal ge 特強特飲, 情況好D, 但已經目訓唔返, 琴日好疲累咁捱成個星期最多堂上 ge 一日. 

琴日下午教教下書, 工人突然打電話 call 我, 我又唔可以聽, 但心知不妙, 跟著老婆又打黎, 唉~~ 點都聽聽.... 瑤瑤又發燒... @@'''

除左我同瑤瑤外, 老婆都有D病, 不過佢身體構造有D特別, 只要食D panadal 感冒藥, 情況就會好轉, 但佢話今次係喉嚨痛, 由星期二開始, 一直未好過... @@'''

今日頂唔順, 同學校請左假, 本來係想休息一下, 但瑤瑤發燒, 唔可以返學, 結果.... 病住做湊女公.... :'(

上個星期日又話突然回冷, 當日瑤瑤就發燒, 夜晚重發到 102 F, 星期一全無退燒, 但又無其他病徵, 到星期二放半日假去睇醫生, 只係見到佢喉嚨發炎, 比左D葯, 星期三繼續燒, 晚上鼻哥開始有D問題, 星期四終於退燒, 但開始流鼻水, 咳.... 

最頭痕係瑤瑤唔肯飲水, 所以好多時D病好難好, 要不停威逼利誘, 真係好辛苦, 好左佢D葯味道好甜, 所以佢食得好開心, 如果好似佢B 個陣D葯...