朝朝要預備同瑤瑤返學已經係一件很累人的事, 最慘係佢會突然發難, 要求做一D野, 但老婆一直都係奉行堅持原則, 妳喊妳事, 當然最後係鬥耐性, 鬥時間....

今朝瑤瑤已經夠遲起身, 老婆幫佢摺左床單, 點知佢一定要摺, 老婆一定唔比, 佢就喊到拆天, 我正想入去 "了解情況", 瑤瑤竟然叫 "爸爸走!", 重要係好惡好大聲, 老婆就火到黎埋, 話佢唔可以叫人走, 我就企係度唔敢走 =.=''''

跟著叫佢擦牙, 佢又喊住要求要多D 牙膏, 老婆當然唔比, 今次佢識 "要爸爸陪", 唉~~~ 佢要揾我做磨心, 都迫住要做, 入到去佢當然係要 多D牙膏, 我緊係唔可以比, 當然又係喊到拆天, 老婆入黎話佢, 瑤瑤竟然話.... "媽媽走, 我唔鐘意媽媽...." 天!

最後, 都唔記得點樣叫佢擦牙, 但真係攪左好耐, 擦完牙, 老婆已經返左工, 瑤瑤走入工人房, 要攞返張床褥重新擺過, 等佢可以再摺過張床單... 我當然唔肯, 佢又開始喊, 我勸左一陣, 見佢死都要攬住張床褥, 又唔肯走, 我叫工人睇住佢, 瑤瑤喊住叫姐姐幫手, 我當然唔淮, 佢就又開始叫 "爸爸走"....

又係攪左好耐, 佢先放棄床單, 死死氣去食早餐, 但當時已經 8:40 AM, 我 9:30 AM 要上堂, 唔車瑤瑤返學, 又驚佢揾唔到的士 (我試過 9:00 AM 揾的士, 最後走去搭 MTR), 唉~~~ 不停叫佢快D, 最後 8:50 AM 走人, 幸好沿路無風無險, 我 9:25 AM 返到學校... (有車真係幾好)

面對無理取鬧, 好多家長都用妥協態度, 但我相信唔會係一件好事, 但自問自己都會心軟, 真係做唔到好似老婆個種 "狠", 但 "獅子係會掉個仔落崖", 唔狠, 又點可以教好一個 不分是非 ge 三歲小朋友呢?

冬左成個新年假期, 今日返工就開始回暖, 呢個虎年真係... 

瑤瑤個病好返好多, 但硬係有少少咳, 我覺得佢有D扮咳, 因為D葯太好味, 唔咳就無得飲, 所以...

老婆就衰左, 但星期日目訓左個大覺之後, 好似精神左, 唉, 希望今次係最後一凍, 以後D天氣可以正常返D. 

老婆今日請多一日假, 想同瑤瑤去玩, 點知就變左照顧佢, 已經病左三日, 咳, 發燒, 今日重流埋鼻水.....

天文台話個D天氣要等 weekend 先至開始暖返D.... 9 度呀!!!!  

年三十, 係寒風徹骨之下, 展開為期三天的大旅遊, 有幾大? 全個老婆家族 + 我阿媽姪女姪仔, 總人數高達 27 人...

目的地係惠陽棕櫚島 (唔係杜拜個個...), 專車由香港送你去到 resort, 過關(沙頭角)完全唔使落車, 坐係比人望兩野就走得, 司機話係 "富豪過關式", 真係好正! :)

去到惠州, 天氣重寒過香港, 只有 8 度... 坐佢個D resort  ge 車仔, 全程食風, 真係攞命, 最慘係因為農暦新年, 成個惠陽 ge 食店都超滿 and 超貴, 最後只有留係 resort, 完全無旅行 feel... 本來唯一好處係放煙花, 但因為要陪女目訓, 結果都係 miss 左.... :(

雖然無旅遊度假 feel, 但今次係一大班親戚上去, 個種氣氛同平時旅行有D唔同, 尤其係可以同D姪仔姪女交流下都係一件好事, 同埋個 resort 都叫做有D野玩下(但唔係好好玩), 好在有個幾好 ge indoor playground 比瑤瑤玩, 總算有D得著.

不幸係我第一日打羽毛球就整親隻腳, 跛左兩日, 開頭好驚要返香港睇醫生, 至於瑤瑤, 一返香港就咳(吹風太多), 而家重發燒.... :'( 

自從瑤瑤可以同我地食早餐之後, 都好耐無食D A, B, C 早餐, 前日忍唔住, 一於唔食屋企 ge 健康早餐, 去左 canteen 叫左個早餐.... 雖然唔多鐘意學校 canteen D 早餐, 但實在太懷念 la, 要影返張相留念....

前日看到一名二十多歲的母親, 掉底睡了覺的三歲小朋友在家出外 shopping, 結果是小朋友醒後不見了媽媽, "自行" 出外尋找.... 最後母親被捕.... 

昨日重大鑊.... 母親將三歲多的女兒由商場七樓抛下, 自己就跳下去自殺身亡.... 小女兒幸運地獲救, 但以後她的人生.....

夠竟現今的父母是為了甚麼目的去養兒?? 自生自滅? 還是要一"定"登龍門, 兩個例子, 兩種反思.....

其實一直唔明點解會有 80後 這個 terms, 直到一次和朋友食飯, 他講出 "80後的人, 工作上是無希望, 因為永遠都比一班人騎住, 永遠都只能做下層的工作"....

係唔係真係咁悲哀呢? 上星期因工會的關係, 去了教協拜會了 張文光議員, 當他聽到 IVE 有一班所謂 Term Staff 的 temp staff, 他就講出很多大機構, 包括政府, 出現了一個畸形現像, 就是以判上判形式, 請了一批不是員工的人做野, 他們是一班全無職業保障 (Job Security) 的人, 另一位教協的幹事, 亦講出了城市大學的副學士, 亦是以 "外判" 形式經營, 城大是不會對城大副學士的教職員(以外判形式聘請)有任何承擔!

現在做這些無承擔無福利無前途的悲哀員工 (稱不上做員工) 正是一班 80 後的人, 所以一個人生的最大成就 - 工作, 對這班 80 後只變成一個 "生存" 上的無奈...

對於這些 "短視" 的大機構, 無錯是慳了很多員工福利, 但他們不能建立一個團隊, 結果是質素每況越下, 試問一個社會是靠一班工作上是 "無靈魂" 的人去支撐, 後果是怎樣? 

0 至 三歲, 一直都係我去D幼兒教學 ge 一個 stage, 今日, 瑤瑤終於到達這個 stage 的最後一段, 但開始覺得會好難, 瑤瑤開始有自己 ge 思想, 要求, 我們之間 ge 衝突亦開始多, 另一方面, 佢對我地 ge 倚賴亦多左, 而家晚晚要陪 目訓, 真係無左好多時間, 但瑤瑤會常常問我地要唔要返工, 亦常常問係唔係星期六, 星期天唔使返工.

好不容易捱了三年, 但似乎未來的日子仍有很多變數, 但無論如何, 這三年的人生, 是充滿喜悅和期盼. :)