琴日收到封信, 內容係話我份保險已供完, 而我係 2066 1月前瓜柴, 就會有 USD50,000 ge 賠償. 呢份保險係我出黎做野 ge 第一份, 當初真係覺得 20 年真係太長, 都唔知幾時先見到有供完 ge 一日, 中途重覺得唔知供黎做 mud... 而家叫做有D錢可以攞 and 有人保你 90 歲前死就有錢比瑤瑤, 心裡面好似為瑤瑤完成左一個 20 年 ge task. 雖然... 20 年前我無想過 20 年後的瑤瑤.... 

每朝起身, 唔肯換片擦牙執床.... 已經習慣晒, 但前日佢要睇相相, 我話睇完要去沖涼, 佢話 ok, 但睇完後就死都唔肯去沖涼.... 攪左好耐, 姐姐至叫到佢沖涼, 但沖完叫佢吹頭, 佢又跑黎跑去, 最後要大喊一聲, 佢先覺得我鬧緊佢.... 整晚都唔係好開心, 夜晚拒絕陪佢目訓, 唉~~~ 佢開始大, 亦開始反判, 真係要練下D EQ ... =.='''

而家一到星期日, 瑤瑤 ge 首選係 海洋公園, 次選就係九龍公園, 而每次去九龍公園, 我就會乘機去 "鼎泰豐" 食 Lunch :)

鼎泰豐 有三個優點:

佢 ge BB 椅係十分之好, 高度適中, 瑤瑤會食得好舒服, 暫時黎講真係無試過有食肆好得過佢.

佢 D 招呼好到有D誇張, 每個 waiter, waitress 都係笑容滿臉, 我每次要倒茶, 就會有人自動幫我倒, 一打開茶壺蓋, 就有人立刻幫我加熱水.

佢 D 食物質素唔差, 當然小籠飽係一絕.

缺點就係.... "貴"! (但老婆指出比起 海洋公園D貴到死, 又難食, 招呼又差 ge 餐廳, 鼎泰豐 D 野其實算做平)

 

有日瑤瑤攞隻紙船比我睇, 然後叫我摺船船, 但係.... 我已經唔記得點摺 wor... =.=''''

隻船係老婆摺, 唯有同佢學一次, 但佢 ge 方法好似同我以前學 ge 唔同, anyway, 學左先.

老婆其實都想摺多D其他野, 但無奈同我一樣, 無晒D 記憶力, 似乎要我發動下D網上力量, 揾下D website la.

 

由細到大, 瑤瑤都係用盆沖涼, 老婆前幾日開始用花洒, 佢好似 OK, 所以決定唔用盆, 感覺上, 瑤瑤又大D la, 希望快D佢自己識得沖涼 la... 

今朝瑤瑤有D發燒, 雖然唔係太高温, 但都唔可以返學, 要留係屋企哺蛋... 當我陪完佢食早餐後, 佢突然話 "我唔鐘意爸爸返工, 爸爸陪我玩...", 唉~~~ 陪左佢玩一陣後, 真係要走, 佢又不停話 "爸爸唔好返工, 陪瑤瑤..." 跟著重流晒淚, 喊晒出黎, 然後捉住我隻手唔放.... @@''''

最後都係要忍心走人, 係電梯走廊重聽到佢喊到呼天搶地..... :( 

每次老婆唔係屋企, 瑤瑤又要出街 ge 話, 佢就要我幫佢扎頭髮, 但我鬼識咩...

星期六又係咁... 膽粗粗幫佢整左個少女 look, 哈哈, 我就覺得好靚, 好鬼可愛 :)

 

星期日同瑤瑤去睇海豚, 小熊貓 and 大熊貓, 點知去到 海豚學堂.... close 左, 海洋劇場又太多人, 去到揾小熊貓....