近排瑤瑤斷斷續續都有D咳, 但唔係太厲害, 但琴晚就突然咳得好厲害, 係度唔知點算之際, 想起我買左支川貝枇杷膏, 佢開頭死都唔肯飲, 但苦口婆心之下, 佢終於飲左, 神奇地, 安然入睡....

瑤瑤目訓 左後, 望望個鐘... 1:30 AM.... Zzzzz 

上年第一次去畢業典禮, 但發覺係只有 Final Year Tutor 只可以同學生坐, 所以孤令令一個人呆坐個半鐘, 其後聽同事講, 多數係等完左典禮後係出面等, 唔會入去呆坐.... @@'''

今年預備典禮完左之後至去, 但老細話我係 41900F ge Final Year Tutor, 所以去畢業典禮陪班 41300 ge 畢業生.... 41900F 又關 41300 事??? 但老細叫到, 硬食, 去到只有 "三" 個 41300 ge 畢業生, 重要同我班學生分開九丈完.... 唉~~~ 又一個 孤令令 ge 個半鐘....

出左黎之後立即揾返班學生, 係黑 ma ma ge 環境下, 都影左成粒鐘, 最後重去埋食飯玩牌, 補返下個半鐘 ge 心靈空虛! 

琴晚因為要教夜校, 返到屋企瑤瑤已經目訓左, 今朝佢入我房, 同我講 "琴晚見唔到爸爸, 瑤瑤好想見爸爸", 嘩!! 聽完之後個心真係甜到漏....

車佢返學校時, 佢又話 "爸爸好返, 就可以陪瑤瑤目訓", 哈哈, 估唔到瑤瑤咁 "痴" 我! XDDDDDDDD 

11 月寒流, 真係好驚瑤瑤會病, 但佢就龍精虎猛, 我就病到九彩, 到而家叫做好少少, 但仍然晚上 or 朝早會咳醒, 因為要飲多D水,又攪到無覺好目訓.... 

唔知係唔係我傳染, 工人都病埋, 但覺得佢有D死頂, 但頂到琴晚頂唔順, 出聲話唔可以陪瑤瑤目訓, 但琴晚真係好驚連老婆都病埋就大鑊. 

無 la la 氣溫降至 16 度, 瑤瑤無事, 但我就中左招, 琴日朝早已經覺得喉嚨有事, 夜晚就好痛, 今朝又好返D, 但有咳 and 骨痛... 感冒了 >_<'''

但係天文台話星期日會升去 29 度....  

琴日老婆同我講, 忌廉識得自己搵被, 有無咁聰明呀, 今朝.... 

應承左瑤瑤琴日重陽節同佢去 Ocean Park 睇動物, 但一早就咳, 正在考慮去唔去, 但瑤瑤就不停叫住去 海洋公園.... 見佢咳得唔係太厲害, 就去一個上午.

時間太短, 只係睇左海獅海豹, 同埋海洋館D魚魚... 但見佢同表弟跑得好開心, 突然想起一直想影佢背住個 Bear Bear 背囊, 個 Bear Bear "Fing Fing" 下個得意樣 :)

天氣一轉, 我好多時會氣管不適, 跟著就會咳, 唉~~~ 而家我暫時無事, 但瑤瑤就中招... 佢係第一次咳, 所以家中無藥, 但我自己 ge 經驗係睇西醫D藥會好難食 and 好多副作用, 所以今次用中藥 -- 我的至愛 "川貝". 用川貝燉雪梨 + 冰糖 + 蜜糖, 瑤瑤最終可以食晒, 但重係有咳, 都好擔心佢夜晚會 目訓 唔到, 好彩, 因為今日去左 Ocean Park + 中午無 目訓, 好快便入睡 and 無咳醒.

一心希望今朝會好返, 但今朝晨早己聽到佢咳... 唉~~~ 兩星期就病一次... 好累呀! 

上個月扑鎚買左架 Mazda 3 ge 4 門房車, 所以都有留意街上的 Mazda 3, 哈哈琴日見到架好得意 ge Mazda 3 揭背, 顏色同個車牌趁到絕, 唔知個 "百寶袋係邊呢??

最抵死係 Mazda Logo 下面有個 "博派" Logo, 唔通佢會 transform 做 "叮噹"??? XDDDDDDDD