琴日老婆去靚姨姨媽屋企幫手執屋, 因為星期日, 我地要帶埋瑤瑤去, 理論上係要我陪佢, 但實際上係佢同表哥表姐玩, 我就可以好舒服咁休息下 :P

佢琴日就真玩到好開心, 通屋跑, 又講晒野, 重要好大聲過隻, D 姨媽姨丈輪住要同佢玩, 同之前自己收埋一二便, 簡直係兩個人...

D 姨媽姨丈話要去接佢放學, 又話要同佢去食 McDonald... =.=''' 可惜, 今個星期 Term Break, 唔使返學... (下, 幼兒院都有 Term Break... 點解 IVE 無 ga??? 

1996 年, 看見當時的女友(而家 ge 老婆) 係度幫佢老父抄糧單, 一共要抄 三十多 張, 每半個月便要抄一次, 所以自動請纓幫未來外父寫左個 Payroll System, 估唔到一用便用了十多年, 亦想唔到外父用到最後一刻...

除了大時大節, 真的很少見他, 只知道他早出晚歸, 從不休息, 亦無假期, 但幾十年, 就憑一份工, 養大了8個女兒, 每個都出人頭地, 就算明明可以享清福, 但仍不肯退休, 我們這一代, 很難明白, 只有欽佩.

今天零晨 4:00 AM, 收到一個電話, 飛身去了 Queen Mary, 到達時他已經身故 (2:00 AM 睡夢中去世), 老婆自然哭成淚人, 我亦無言看著這個既陌生, 但又這麼親切的親人.

記得上星期最後一次見他時, 他在病榻上看著我們很有中氣地說 "做人最緊要有志氣, 我八十幾了, 八十幾!", 志氣?? 一個男人, 憑一己之力, 默默地養大了 8 個女兒, 這份志氣, 誰人能及?

拖著很累的身軀回到學校, 看著用了十多年的糧單系統.... 可以退休了.... 

唉~~~ 返左學之後, 瑤瑤幾乎係隔一個星期就病... 今係又係發燒, 不過係低燒, 但就肚痛 and 肚瀉... 老婆話要陪佢目訓, 因為夜晚可能要起身陪佢去 boo boo or 食葯, 佢近排外父病重已經攪到佢無覺好目訓, 所以要佢好好咁目訓, 我就陪瑤瑤... 但我真估唔到咁辛苦...

1:30 AM 瑤瑤開始轉來轉去... 跟著喊話肚痛, 然後要 Boo Boo, 我陪佢去 Boo Boo, 佢個樣好眼目訓, 我重眼目訓.... 想幫佢食肚痛葯, 但瑤瑤 boo boo 完後話唔痛, 所以繼續去目訓, 但我就好難目訓得番, 瑤瑤就好似好難呼吸, 同D葯力開始失效, 又開始發燒, 但唔想餵太多葯, 只好比佢捱下....

4:30 AM 瑤瑤醒左, 不停講野, 最後又係去 Boo Boo, Boo Boo 完後, 決定餵葯, 同埋比佢飲D 保礦力 (1:30 AM 個時預備定), 等佢可以 keep 住D水份

5:30 AM 瑤瑤食完葯後, 好鬼生猛, 好驚佢整醒老婆 (但老婆話完全昏迷...), 最後都肯再去目訓, 重好似目訓得幾好, 起碼呼吸好少少.

7:50 AM 瑤瑤起身, 我同佢講目訓多一陣, 佢唔肯, 係都要等媽媽....

8:45 AM 老婆起身, 我交返個女比佢, 自己飛撲去... 目訓..... Zzzzzzzz 

前幾日中秋節, 瑤瑤間學校都好多野要攪, 又話要著中國服, 又要帶個燈籠, 又有個 "整餅" 班, 真係開心. 芬芬姨媽話佢整 ge 月餅味道唔錯, 但我就無食到....

今朝同一位教 Business ge 阿 sir 一齊食早餐, 講起今年D Year1 似乎好過上年 ge Year1, 起碼無咁 hea. 跟著又講起 IVE 近年比人 ge 感覺係專收 D 讀書唔成 ge 學生, 個位阿 sir 好慶, 話 IVE 自己 ge 宣傳, 成日做 cheap 自己, 有一年係用 "水泡", 有一年係 "阿 sir 比人 interview".... 攪到D學生以為自己真係 "老細"...

一講 "老細", 我就搬我套 "老細論" 出黎, 做老細, 唔出糧比 "伙計" 係犯法, 但 "伙計" 蛇王最多無份工, 但唔會坐監, 老細係隨時蝕老本, 但伴計就一定有糧出, 重要係 "清盤第一受益人".

個阿 sir 都有佢 ge 老細論, IVE  ge 唯一老細係 "僱主" (包括各大學), 學生係 IVE ge "product", 因為佢地註定一出 IVE 就要比人 "揀", 當然你可以自己做老細, 但有好大機會會... (自己做 "到" 老細, 就唔使黎 IVE 讀 la)

可惜 IVE ge 學生唔清楚自己其實係 "無 say 無 way", 重要比D IVE 廣告 誤導, 唉~~~~ 

琴日瑤瑤終於全面退燒, 我地終於有覺好目訓. 而家佢病, 唔會好似細個咁頭痕, 因為唔使為左要佢食葯而頭痛, 想當年個種慘烈, 真係聞者心酸, 聽者流淚....

琴晚佢食食下飯, 突然同我地講 "食葯葯呀~~~" XDDDDDDDD 

唉~~~ 岩岩一個月, 瑤瑤又發燒, 琴日朝早見佢龍精虎猛, 但老婆話 "瑤瑤發燒..." 下?? 完全唔似 wor... 度完後係 38.1, 哎.... 食葯, 好在瑤瑤已經十分鐘意 "拍葯", 所以都唔係太憂心, 佢食完葯後體温降到 37.8 度, 都叫做 ok la.

下午同d姨媽飲完茶, 跟著回家午睡, 但體温重係 arround 37.8, 佢就好 hyper, 一直要我陪 目訓, 實情要我陪玩.... 最後老婆出馬, 佢至肯乖乖地去 目訓, 但午睡完後, 老婆話又燒過, ok, 食葯, 但好似無 mud 效, 一直 keep 住係 38.x, 夜晚由老婆陪 目訓, 我地就預備零晨 1:00 AM 再餵多一次葯, 但到 1:00 AM, 老婆話 "39.5!" OMG!! @@'''

唉, 唯有出絕招, 塞肛, 越來越覺得瑤瑤已經長大成人, 以往喊餐死 ge 塞肛, 今次只係流左兩三滴淚, 可惜佢唔肯貼退熱貼, 老婆只好同佢沖個温水浴, 希望幫佢散下熱, 到 2:00 AM 先至去 目訓, 我就 3:00 AM 先至昏迷左, 完全唔知老婆 4:00 AM 起身再幫瑤瑤沖涼, 因為 d 燒始終唔肯退...

7:15 AM 比瑤瑤叫醒, 佢真係完全唔似一個發燒去到 39.5 ge 細路, 但 39.5 係高燒, 老婆預備同佢睇黄老醫生 (真係幾老), 我就叫老婆試下用黄老醫生上次比 ge 重葯 ... 士多啤利 + 橙, 每樣 5ml, 希望可以降返低少少, 唔好野野 39.5 >_<'''

最新老婆消息, 終於見返 37.x, 但而家成村人等緊 黄老醫生...... 

本來以為係世紀大災難, 而家變世紀大新聞! 瑤瑤順利過左 3 小時 Separation, 安然無恙, 間直係一個天大喜訊, 亦不往我當初堅持要放手一搏, 現在終於享受成果! :)

瑤瑤返左學之後, 亦有好多改變, 係屋企成日唱歌, 有時候重會作詞,  無以前咁怕羞, 成個人大個左好多! 老師話佢好乖, 會主動去幫D同學, 工人話佢會拖住同學 ge 手仔去玩, 咁 social, 真係好難估到係瑤瑤身上發生!

女大十八變, 而家可能係第一變 la!!! :D